* နောက်ဆုံးအိပ်မက် *

အိပ်မက်ဆိုတာ
တစ်ခုမက...
သမုဒယနဲ့နွယ်တဲ့သူတိုင်း
မက်ဖူးကြတယ်... ။

ယုယရယ် ကြင်နာရယ်...
နွေးထွေးရယ် ထွေးပိုက်ရယ်နဲ့
မျက်ရည်လမ်းလည်း စမ်းဖြစ်စေခဲ့သလို
ပန်းပွင့်တိုင်းလည်း လန်းတင့်စေခဲ့တယ်... ။

ဒီလိုပါပဲ...
သောကနဲ့ဆုံ မောဟရယ်ကြုံတော့လည်း
ဝမ်းနည်းတစ်ခါ ပူဆွေးတစ်လှည့်
အတွေးယဲ့ယဲ့လေးနဲ့ ခရီးဆက်
အိပ်ရာဝင်အိပ်မက် လုပ်ခဲ့ရတယ်.. ။

အကောင်းအဆိုး ဒွန်တွဲနေတဲ့
သံသရာမှာ...
အိပ်မက်တွေ အဖန်ဖန်အခါခါ
ငါ... မက်ခဲ့ပေမင့်
တကယ်တမ်း မက်ခွင့်ရရင်ဖြင့်
ပျောက်ဆုံးနေတဲ့ ဘ၀တစ်ခုကိုသာ
နောက်ဆုံးအနေနဲ့...
ငါ... မက်ပါရစေ။   ။

နန္ဒဇော်

(စာပွင့်လွှာ ရသစုံမဂ္ဂဇင်း၊ အမှတ် ၁၊ ဇူလိုင်လ၊ ၂၀၁၂။) 

* မသိပန်း *
 

ပန်းတပွင့်လျှင်
ရှုချင်စဖွယ်၊ အလှခြယ်လျက်
သင်းကြွယ်နံ့သာ၊ ချူတတ်ပါမူ
သူငါစုံမက်၊ အချစ်ဆက်၍
နှစ်သက်ချီးမွမ်းတတ်ကြ၏။
 
သို့ချီးမွမ်းလည်း
သည်ပန်းဘ၀၊ လှပသင်းကြိုင်
ရပ်တည်နိုင်အောင်၊ ကြံ့ခိုင်စိတ်လှစ်
အဆစ်ချိုးချိုး၊ သူမညှိုးဘဲ
ဖူးမြဲဖူးကာ၊ ပွင့်လန်းလာပြီး
ရောင်ဝါစိုလွင်၊ အလှဆင်ကြောင်း
ခုံမင်သူတို့မတွေးပါ။

ဖူးပွင့်လာရ
ပန်းဘ၀မူ၊ ပျိုးစချိန်ခါ
ရေကိုရှာစဉ်၊ လောကသည်ဝဲ
အားအန်ခဲလျက်၊ ပက်ဖြန်းသူမျှော်
မိုးကိုမျှော်၏၊ ပေါင်းဖော်ဝန်းကျင်
နှစ်လိုချင်ဟန်၊ ငြိုငြင်သံပြု
ပြောင်းလဲမှုလည်း၊ အံတုလွင့်လျက်
ဇွဲနှင့်မာန်နှင့် ပွင့်ခဲ့၏။

သို့ပါသော်ကွယ်
ထင်ပေါ်ပေါက်ရောက်၊ ဂုဏ်မမြောက်မီ
သွေ့ခြောက်နွမ်းခွေ၊ ဆင်းနံ့ပြေလျက်
သည်မြေထက်မှာ၊ ကြွေပျက်ပါလျှင်
တွယ်တာစိတ်မွေး၊ မည်သူတွေး၍
မေးမြန်းစုံစမ်း ပါမည်နည်း။   ။


မောင်ဇော်ယု (ရှုမ၀)

(*မြရွက်လှေ ကဗျာများ*ကဗျာစာအုပ်မှ-)

* မြစ်ဆိပ် *

အဲဒီနေ့ ခင်းက
ငါက နွားခြေရာတွေပေါ် တက်နင်း
နွားတွေက ငါ့ခြေရာကို ပြန်နင်းတက်
မြစ်ဆိပ်ကို ဆင်းသွားလိုက်ကြတာ... ။

နွားတွေက ဦးဆောင်နေတာလား...
လူတွေက ဦးဆောင်နေတာလား... ။

နှင်တံကို ထောက်မီလို့
နောက်ယို့ပြီး ကျန်ခဲ့တာ
လမ်းပေါ်က
င့ါ... ရုပ်ပုံ
မှုန်ရာက လင်းလာတော့
အိုမင်းဖို့မြန်ဆန်လိုက်တာ... ။

နောက်ဆုံးတော့ ငါလည်း
ငတ်ငတ်နဲ့...
နွားတွေလို
ရေဆင်းသောက်တာပါပဲ... ။ ။

အောင်ပွင့်

*(ဆရာ မောင်သာချို (ဂျက်ကွမ်းခြံကုန်း) စာပေဟောပြောပွဲတွေမှာ ထည့်သွင်းဟောပြောတဲ့
ဆရာ `မောင်အောင်ပွင့်´ရဲ့ ကဗျာလေးတစ်ပုဒ်ပါ။ ဖတ်ရင်း တွေးရင်း... တွေးရင်း ဖတ်ရင်းနဲ့
အရမ်းကို လှလွန်းလို့မျှဝေလိုက်ပါတယ်။)

NWN

 Photo Of The Famous Original *Starry Night* ♣ Painting By ♠ Vincent Van-Gogh

* ကြယ်တောက်တဲ့ည*

ကြယ်တွေ...
ကိုယ်ရောင်ဖျောက်တဲ့
ညမှာ
ကြယ်တွေများ...
တဒင်္ဂ
ဘယ်ဆီကို
ကြွေဆင်းသွားကြလေသလဲလို့
စိတ်ရယ်စော
ဘ၀င်အမောမှာ
စိုးထိတ်ပူမိ... ။

ကြယ်တွေ...
ကိုယ်ရောင်တောက်တဲ့
ညမှာ
ကြယ်တွေစကား...
အစဉ်ထာဝရ
စိတ်တံခါး
ပုတ်ခတ်လှုပ်နိုးလို့
ကောင်းကင်ပင်လယ်ပြင်ကြီးထဲ
ကြယ်လှေတွေ ခရီးထွက်တာ
မြင်မိတယ်... ။

လှိုင်းထန် လေကြမ်း
ဘယ်လိုပင်...
ဘ၀ခရီးလမ်းတွေ
ဆန်းပြားစမ်းပါစေ...
ဒီ လောကတစ်ခွင်
ကြယ်ရောင်တွေ
ထွန်းတောက်စွာ လင်း
ဘ၀အခင်းအကျင်းဆိုတာ
မင်းတို့လက်ထဲက
လှော်တက်ကိုသာ
ပြင်းပြင်းခတ်လိုက်စမ်းပါ
သူငယ်ချင်းတို့ရေ... ။ ။

(ကဗျာရေးသူ *လင်းလက်တာရာ*နှင့် ကဗျာရေးသူ *ဆူးရဲ*
ညီငယ်မိတ်ဆွေသူငယ်ချင်းများအတွက် အမှတ်တရ ရေးဖွဲ့ပါသည်။)

နေ၀န်းနီ
နံနက် ၁း၄၅
၃.၉.၂၀၁၃

``တစ်စုံတစ်ရာအသစ်´´

အသစ်ကမ္ဘာကြီးက
၂၀၁၂ ကမ္ဘာအဟောင်းကြီးကို
အခုလို...
ယဉ်ယဉ်ကျေးကျေး
နှုတ်ဆက်လိုက်တယ်။

ဂလိုဘယ်လ်တွေ            နိုဗယ်လ်တွေ
အိုလွယ်သူတွေ               ပျိုရွယ်သူတွေ
သွေးဆာမှုတွေ               ဖေးကာမှုတွေ
ဝေးကွာမှုတွေ                 အရေးပါမှုတွေ
နှလုံးငယ်သူတွေ             အရှုံးပယ်သူတွေ
မုန်းလွယ်သူတွေ             ပြုံးရယ်သူတွေ
ဗလာဇာတ်တွေ              သမာသမတ်တွေ
ကြမ္မာရဟတ်တွေ           အနာဂတ်တွေ
အတုအပတွေ                အနုအလှတွေ
အညုအပြတွေ               သမုဒယတွေ
စကားအဖျင်းတွေ          တရားသတင်းတွေ
အယောင်အမှားတွေ      ကလောင်ဓားတွေ
အဖြီးကိစ္စတွေ                နည်းနိဿယတွေ
ပကာသနအရေးတွေ     ပဓာနအတွေးတွေ
သဘာဝဘေးတွေ         ကာလဆေးတွေ
ပဋိပက္ခတွေ                  သဟဇတတွေ
အညမညတွေ               အဓိကတွေ
ကောက်ရိုးမီးတွေ          .......
ခေါက်ချိုးနည်းတွေ        .......
ပဉ္စလက်တွေ                 .......
.......                              ၂၀၁၃
.......                              သိင်္ဂနိက်ရွှေ။

သူ့နေရာနဲ့သူ အစားထိုးလို့
အမှောင်ဆိုးက ရုန်းထွက်ခဲ့ပြီ
ဘယ်လိုပဲတွက်တွက်...
ဟောဒီ ကမ္ဘာ
တကယ်ပျက်ခဲ့တယ်လို့ပဲ
ကျိန်းကျေလိုက်ကြပါတော့...
အရှေ့မှာ အရုဏ်ပျိုးလုပြီ။   ။
 
နန္ဒဇော်
 ၈.၁၂.၂၀၁၂   

ခေတ်တစ်ခေတ်ရဲ့လမ်း

ခေတ်တစ်ခတ်ရဲ့လမ်း

ဟောဒီ ခေတ်ကြီးထဲ
ကျုပ်တို့အမျိုးတွေ
ခြေသွက်လက်သွက်နိုင်လိုက်ပုံများ
လူတွေကလည်း ခရီးသွား
နိုင်ငံခြားမှ နိုင်ငံခြား
ဆန်တွေ ဆီတွေ
သားငါးတွေကလည်း ခရီးသွား
နိုင်ငံခြားမှ နိုင်ငံခြား
မြစ်တွေ ချောင်းတွေ
တောတောင်တွေကလည်း ခရီးသွား
နိုင်ငံခြားမှ နိုင်ငံခြား... ။

ခေတ်ကြီးကို ကျုပ်တို့က
သယ်ဆောင်ဖို့နေနေသာသာ
ခေတ်ကြီးကသာ ကျုပ်တို့ကို
ယူဆောင်သွားလိုက်တာ...
တကတည်း
ပြောပြန်ရင်လည်း
ဂျမ်းဘုံလွန်ရာ ကျမယ်...
အင်း... ဘာပဲဖြစ်ဖြစ်
ဒီခေတ်ကြီးထဲမှာ ဒီလိုပဲ
စမ်းတ၀ါးဝါး လျှောက်လှမ်းနေရဦးမှာပဲလေ... ။

အရင်တုန်းက
ဆင်သွားရင် လမ်းဖြစ်ဆိုတဲ့ စကား
အခုခေတ်မှာများ
ဆန်းသစ်တီထွင်လိုက်ရတော့မတဲ့လား...
အို... သူငယ်ချင်းရယ်...
နင်တို့ငါတို့သွားတော့...
စခန်းသစ်ကိုရော ရောက်ကြရဲ့လား
မေးစမ်းပါရစေ... တဲ့
အလို... ပိုနေမြဲ ကြားနေမြဲ
ဒုံရင်းက ဒုံရင်းပဲပေါ့အေ... ။

အဲဒီကြားထဲ ပါးလျားသွားတာက
အိပ်မက်တွေ အချိန်တွေ
အနာဂတ်တွေ စိတ်ဓာတ်တွေ
ဘ၀တွေ အလှတွေ
ပျိုမျစ်မှုတွေ လန်းဆန်းမှုတွေ...
ယဉ်ကျေးမှုတွေ...
အို စုံလို့ပါပဲ အမေရယ်တဲ့... ။

သမီးတို့ကပဲ ပညာမတတ်လို့လား
သူတို့ကပဲ ကြင်ယာငတ်ကြလို့လား မသိ... တဲ့
လူကုန်ကူးခံရတဲ့ သမီးငယ်တစ်ယောက်
နွမ်းလျပြီး အိမ်ကိုပြန်အရောက်မှာ
တောပန်းလေးတစ်ပွင့်လို
ကြွေကျသံ ကြားလိုက်ရတယ်... ။

သားတို့ဆီက
တစ်နှစ်မှ တစ်ခါ
ရှားရှားပါးပါး လာတဲ့စာ
ဒီတစ်ခါ ရေးထားတာကလည်း
အမေရေ...
အိုဗာစတေးအတွက် ပေးစရာရှိတာပေး
အကြွေးလေးတွေ ဆပ်စရာရှိတာဆပ်နဲ့
ဘ၀နဲ့လောင်းကြေးထပ်ပြီး
နေထိုင်လုပ်ကိုင်နေကြရပေမယ့်
လခက ရသမျှ အားလုံးကုန်လို့
သားတို့တတွေ ဒီမှာ အခက်တွေ့
အမေတို့ဆီ ငွေပို့နိုင်မယ့်နေ့က
ဝေလာဝေးပေါ့ အမေရယ်... တဲ့။

သြော်...
ကျုပ်တို့ဘ၀တွေကိုများ
ဘယ်သူတွေက မရိုးမသား
စည်းတွေတား ခြားနားထားခဲ့လေသလဲ...
ဒီလို မိသားစုဝင်တွေရဲ့
ရင်ကွဲပက်လက်လမ်းဆုံဆိုတာ
ဟောဒီက မိဂျမ်းဘုံတစ်ယောက်ထဲ
ရပ်နေရတာ မဟုတ်တာကတော့
သေချာပါတယ်လေ... ။   ။

ခါတော်မီ

ကဗျာဆရာ

ကဗျာဆရာ

ကဗျာဆရာရဲ့ရင်ဘတ်လောက်
ဟောဒီ လောကဓံတရားအောက်မှာ
ဆူးတွေ ဒလဟောနဲ့
ခြစ်ရှထားတာ မရှိပါဘူးတဲ့... ။

ဘယ်သူပြောလဲ... မမေးနဲ့
ကဗျာဆရာရဲ့ရင်တွင်းတံခါးဆိုတာ
တကူးတက ခေါက်စရာမလိုပဲ
သူ့အလိုလို ဟာလာဟင်းလင်း
ခင်းကျင်းပြီး ဖွင့်ထားတာပါ...
မယုံရင် ၀င်ကြည့်သွားလို့ရတယ်။

အခုချိန်ထိ...
ရေဆိပ်နား ရေချိုးသွားရင်
ဆပ်ပြာတိုက်လိုက်တိုင်း စပ်ဖျင်းဖျင်းနဲ့
ဘ၀ရဲ့ဒဏ်ရာဒဏ်ချက်တွေက
ပြင်းပြင်းရှရှ ဖူးပွင့်ဝေဆာနေလိုက်တာ...
လူတစ်ကိုယ်လုံး
ရစ်သမ်တွေ ကွဲအက်လို့... ။   ။

နေ၀န်းနီ

Penang

ရောင်တော်ဖွင့်

ရောင်တော်ဖွင့် စာဆို - ရွှေတိုင်ညွန့်
(စိန်ဝဇီ... သိင်္ဂီရောင်သွေး... အစဉ်တွေးပါရ ပကတိမြင်လာမည်... ဘ၀င်
အေးစရာပ... မဏိကဉ္စနာအညီ... ၀တိံဆောင်မှီ... ထိန်ပြောင်ကြည်... စိန်ရောင်ခြည်
နေတနှုံးသို့... ရွှေဘုန်းတော် အသရေ မဆုံးပါတဲ့... သုံးလောက ပရမေအရှင်ကို ရည်
... လက်ဆယ်ဖြာ ထိပ်မှာမိုးလို့ ရှိခိုးပူဇော်... ဖူးမျှော်ပါတော့သည်...)
(ရောင်ခြည်တော်တွေ... စုံအညီ... အံ့ဖွယ်ရာချီးကျူးလို့... အထူးမဆုံးတော့
သည်... ၀ါစို ပြာညိုရောင်ခြည် ညို့ညို့မှိုင်းမှိုင်း ရှုတိုင်းလည်း မ၀နိုင်သည်... မြသား
ဣန္နနီ... သိင်္ဂီရောင်အဆင်းလို... စံမယွင်းတူညီ... မှန်ကင်း ဇမ္ဗူဒီ... ဆံတော်ဓာတ်မှာ
ပေါ်ထွက်ပြီ... မျက်တောင်တော်ချီ... မျက်တောင်တော်ဆီ... အံ့ဖွယ်ကောင်းတဲ့... ညိ်ု
မောင်းသော ရောင်ခြည်...)
(လက်ယျာနားက ရေအလျှံစီး... လက်ဝဲနားက ရွှေသဏ္ဍာန်မီး... လက်ယျာ
နှာခေါင်းတော်က မြကွန်းဆောင်အညီ... လက်ဝဲနှာခေါင်းတော်က လ၀န်းရောင်ခြည်...
ညိုသောရောင်ခြည်... နီသောရောင်ခြည်... ဖြူသောရောင်ခြည်... ရွှေသောရောင်ခြည်
... ပြိုးပြိုးပြက်ပြက် တစ်ခဲနက် ရောင်ခြည်တော်တွေ အညီ... ကြည်နူးလို့သာ ဦးခိုက်
မည်... မီး ရေ တောက်ပွား ခြောက်ပါးသော ရောင်ခြည်...)
(ရွှေဘုန်းတော် ရောင်ခြည်... ခြောက်ရောင် ကွန့်မြူးသည်... တန်ခိုးတော်
အနန္တ ပြည့်စုံလှသည်... ဆယ်ဖြာရည်စူး ကြည်နူးသည်... နေ့တိုင်း စွဲမြဲခဲ့သည်... ည
တိုင်း စွဲမြဲခဲ့သည်... ငါးဖြာအဉ္စလီ တင်ချီသမည်... စောဗုဒ္ဓ မြတ်ဘုရား တန်ခိုးတော်
အားနဲ့အညီ... ဖူးမ၀ပြီ... ထူးလှတဲ့ ရောင်စုံခြည်... )
(အံ့ဖွယ်ထူးထူး ကွန့်ကာမြူး... ကြည်နူးဖွယ်ရာ ရှိဦးချီ... နီလ ပီတ လော
ဟိတနဲ့ သြဒါတ စုံညီ... မဉ္ဇိဋ္ဌနဲ့ ပဘဿရ... ယုန်ထက်ငွေ ဂုဏ်ကျက်သရေ စုံညီ...
ကြည်ညိုဖွယ် ကောင်းလေသည်... တကယ့်ကိုပဲ... ပြောင်းနွဲ့လို့... ညိုမောင်းလှပါတဲ့
ရောင်ခြည်တော်တွေသည်... တစ်ရာ့ရှစ်ကွက်ညီ... စက်မြတ်တော်မှသည်... ဆံဖျားတော်
တိုင်အောင် အံ့ဘွယ်ရာဆောင်သည်... သြော်... မြူးကွန့်တင့်တယ်ပါပေသည်... ။ ။)
* * * * * *

တန်ဆောင်မုန်းလပြည့်

တန်ဆောင်မုန်းလပြည့်

လှူကထိန်သင်္ကန်းနှင့်၊
မဂ်လမ်းတဲ့ ဆုပန်ရွယ်
သည်ချိန်ကို ရွှေမုံကြဲလို့
ခဝဲရွှေကြာရင်းမှာ၊ သင်းရနံကြွယ်
ကောင်းကင်လယ်
ထက်ဝယ်ဘုံဦး
ရွှေစန္ဒာနှင့်
ကြတ္တိကာ ကြယ်ရောင်စွန်းတယ်
ထွန်းထိန်လို့မြူး။

ဖိုးသူတော်ဦးမင်း

ကြာကနှောင်းသော်
ဒေါင်းငှက်ကတွန်၊ ဆောင်းလက်မွန်၌
စွန်ကလည်းဝဲ၊ တွန့်ကြေဆဲတွင်
ဝမ်းဘဲကကွေ၊ ချမ်းမြဲထွေ၍
လေကလည်းပြောက်၊ ချေကဟောက်နှင့်
ကြယ်ပေါင်းစုံသည့်ည။
လပြည့်ဝန်း ရွှန်းရွှန်းသာသည့်ည။
ဆေးပေါင်းခသည့်ည။

သီတင်းကျွတ်လပြည့်နေ

၁၂.၁၀.၂၀၁၁ သီတင်းကျွတ်လပြည့်နေ အမှတ်တရ

http://myanmarlexicon.com/service/cartoon4.htm

ကြယ်ကလေးတွေ ချစ်စရာ

ကြယ်ကလေးတွေ ချစ်စရာ...

SAVE OUR RIVER IRRAWADDY

ကျွန်ုပ်တို့ရဲ့ ကျေးဇူးရှင် အမိသခင် သက်ရှိမြစ်တစ်စင်း “ဧရာဝတီ”

အဓွန့်ရှည်တည်တံ့နိုင်ပါစေ...

ရာဇ၀င်များရဲ့သတို့သမီး - ထူးအိမ်သင်

မျှော်လင့်ခြင်း ကမ်းခြေ - ဇော်ဝင်းထွဋ်